مهزلة صحية في البحيرة: مياه قذرة تتحوّل لـ"معجزة" في عيون الأهالي!
في واحد من أغرب المشاهد، تعيش قرية في محافظة البحيرة على وقع تصرّف لا يُصدّق: مياه خارجة من بلاعة صرف صحي قدّام جامع، تتحوّل في عيون بعض السكان إلى "ماء مبارك"!
البلاعة هاذي كل جمعة تتفيض وقت الصلاة، موش على خطر معجزة، بل بسبب الضغط الكبير وقلة الصيانة. لكن المضحك المبكي إنّو بعض الأهالي صدّقوا إنّو الظاهرة "كرامة إلهية"، وقالوا إنّو الماء فيه شفاء للناس!
والمصيبة؟ ناس بدات تجي مخصوص كل جمعة، تحمل في الجالونات وتقسّم في "الماء المبارك"، ترش على صغارها، على بدناها، حتى على التاكسيات والتكاتك!
👈 تحذير من فاجعة صحية
الأطباء دقّوا ناقوس الخطر وقالوا إنّو الماء هذا ملوّث بدرجة كبيرة، ينجم يسبّب أمراض جلدية وعدوى في المعدة، وينذر بانتشار أمراض وأوبئة إذا ما تمش التدخّل السريع.
المطلوب؟ توعية عاجلة من وزارة الصحة ووزارة التربية، قبل ما تتحوّل الخرافة إلى مأساة.