هاني باش نحكي بلغة تنجم تتفهم .
نفس الموضوع كنت قد استعرضته السنة الفارطة فيما يتعلق بجندوبة ومسالة النتائج
أما هذه المرة باش نحصر الحديث على فرنانة .
الحديث لعلماء الأحصاء والاجتماع لعلم النفس .... و لعلماء النفاق والتبلعيط
من الأول و باش برشا ناس تسكت و من المفروض يحشمو كي يتكلمو.
-تحبو تعرفو وين الخلل ::.
-الخلل فيك الي تتكلم توا و في وسط العام ما نشفوش وجهك .
الخلل فيك أنا نجم انقلك أنو 90/ من الي يبحثوا على الخلل كي يلقى فرصة يوصي على ولدو والا بنتو باش تعاونها
-الخلل فيك ولدك ولا بنتك تضرب بالجمعة ما تقراش وانت راقد على وذنيك.
الخلل فيك الي أنت محتح وماخذ أي فون لبنتك ولا ولدك وما ترقبوش.
-الخلل فيك الي 90/ من التلامذة نهارة كامل في البيبلينات يقمر ويشاطي و أنت ما تقول كان يعيش وليد ي
فهمت تو لا نزيدك و تحب نسميلكم اشكون نجح ولدو بالزيادة والتشحيت.
تو باش نرجع الليسي باش ما تقولوش رامي الكورة للولي .
اللسي .النتيجة حتمية لماهو موجود وبدون تزويق .
هذا ضريبة التكركير و التسيب على طول العام .
ضريبة خلي ينجح باش يدبر خديمة يأكل بها الخبز .
تنجموش تقلولي قداش نهار قراو تلامذتنا
ممكن شهر ونصف انقطاع .
-ضريبة الاساتذة الي تزيد وتنجح في تلامذة ما تستاهلش وهذا يبدا من المدرسة.
هيا هاني باش تزيد نفسر يا صيد يا لي ماشي في بالك أنو الباك عام تكوين يا سيدي هاو عام تقييم نعرف انك ما تفهمش تو نفسرلك الباك سنة تقييم لما سبق من مكتسبات التلميذ يعني عمل متراكم يبدا من السنة الاولى.
-خليني نزيد نفسرلك أغلب الناس الي يقيموا في النتائج تلقاهم منجحين اولادهم من المدرسة بالترافيك ويوصل بعض الاولياء لتدليس اعداد الفروض ولا يدبرو الفروض.
بالاهي احشموا على رواحكم صدقوني قد ما تتحدث على المشاكل ما تنجم تحصرها .
فما اشكون يقلك كي كانو اساتذه براينية كانو يخدمو انقلك أنا تو اش يقلونا انتم ولاد البلاد ما تعاونوش ملا اشكون باش يعونا .
زيدك اكثر .
من الآخر الى يحب ولد و ينجح باك خليه ينجح راجل من البداية .بدون اعانات ولا مساسية
الي يحب ولد ينجح راقبوا و شوفو اش يعمل في الدار
ناس موش قادرة يحكم ولدو و يرقدو بكري وجاي يناقش في النسب.
الي يحب ولدو ناجح كي تسمع بخلل في الليسي ايجا طل وسائل.
الي يحب ولدو ناجح ما يسكتش وقت الادارة الجهوية تخليلو اولاد من غير أستاذ .
الي يحب ولد ناجح يتبعوا اش قرأ وقتاش يعدي إمتحان
الي يحب ولدو ناجح أعمل طلة البيبلينات وشف حلقات التشات والقمار .
باللهي اسكتو لنزيد نتكلم و تخلى
تعليقات
إرسال تعليق